Եթե նույնիսկ Թուրքիան ու Ադրբեջանը չպահանջեին Սահմանադրությունը փոխել, սա մոգոնելու էր. Բագրատյանը՝ Փաշինյանի մասին
Այս մարդն ամեն անգամ մի բան նախաձեռնելու է. չի ստացվում: Այս մասին այսօր՝ փետրվարի 8-ին, «Միասին» շարժման կազմակերպած քննարկման ժամանակ նշեց ՀՀ նախկին վարչապետ, «Ազատություն» կուսակցության ղեկավար Հրանտ Բագրատյանը:
«Մի կարծեք, թե մեր հավաքները նշանակություն չունեն, ինքը չի կարողանում հաղթահարել եւ Հայաստանն օտարել Ռուսաստանից եւ Իրանից: Իհարկե, Արեւմուտքը միասեռ չէ, բայց անընդհատ էս մարդուն ասում են՝ մի բան մոգոնիր, գրգռիր էս ազգին: Այդպիսին Սահմանադրական փոփոխություններն են: Ի՞նչ է փոխում, ինչու է փոխում:
Հայտարարում է, որ մեր օրհներգում կա «թշնամի» բառը, դա անընդունելի է: Ես նույնիսկ կասկածում եմ, որ Ադրբեջանն ու Թուրքիան պահանջում են այդ փոփոխությունները: Նրանք չպահանջեին, սա մոգոնելու էր: Մենք գործ ունենք խորապես այլասերված, խորապես պատրաստ մինչեւ վերջ մեզ դավաճանելու մարդու հետ:
Ես եկել եմ այն եզրակացության, որ եթե մարդը սկսում է դավաճանելու գործընթացը, իրեն կանգնեցնելն անհնար է: Էլ բարոյականության նորմ չկա: Սրանից հետո զիջումները դարձնելու են անկառավարելի եւ մեր պետականությանը հետ վերադառնալու կետը մենք անցնելու ենք»,- հայտարարեց Հրանտ Բագրատյանը:
Նա հավելեց, որ սահմանադրական բարեփոխումները եւս մտածված են Հայաստանի սահմաններից դուրս:
Comentarios