Կոտայքի մարզում մերկասառույցի պատճառով 30-ամյա վարորդը «Opel»-ով բախվել է ծառին, կա վիրավոր

Նոյեմբերի 11-ին ավտովթար է տեղի ունեցել Կոտայքի մարզում։ Ժամը 10։30-ի սահմանում Գեղարքունիքի մարզի բնակիչ, 30-ամյա Խաչատուր Հ․-ն իր վարած Opel մակնիշի ավտոմեքենայով Երևան-Սևան ավտոճանապարհի 51 կմ հատվածում դեպի Երևան ընթանալիս մերկասառույցի պատճառով կորցրել է ավտոմեքենայի կառավարումը, դուրս եկել ճանապարհի երթևեկելի գոտուց դեպի աջակողմյան հատված և բախվել ծառին, գրում է shamshyan.com-ը։

Ըստ աղբյուրի՝ վթարի հետևանքով ուղևոր, Գեղարքունիքի մարզի բնակիչ, 40-ամյա Մխիթար Թ․-ն մարմնական վնասվածքներով տեղափոխվել է «Հրազդան» բժշկական կենտրոն։