Կարաչայեվո-Չերկեսիայում ադրբեջանական սփյուռքի ղեկավարի որդին ընկերների հետ կրակոցներ է արձակել փողոցում. SHOT

Կարաչայեվո-Չերկեսիայում ադրբեջանական սփյուռքի ղեկավարի որդին կրակ է բացել Չերկեսկ քաղաքի փողոցներում, գրում է SHOT Telegram ալիքը։

Միջադեպի պատճառով ուժայինները ստուգումներ են սկսել ադրբեջանական «Օդլար Յուրդու» կազմակերպությունում։

Ըստ աղբյուրի՝ տեղի ադրբեջանական սփյուռքի ղեկավար Իլհամ Ահմեդովի որդին՝ Քեմալ Ախմեդովը, նախորդ օրը մասնակցելիս է եղել ընկերներից մեկի հարսանիքին․ ադրբեջանական դրոշներով արտասահմանյան մի քանի թանկարժեք մեքենաներից բաղկացած ավտոշարասյունը կանգ է առել ռեստորանի մոտ, 10 երիտասարդ դուրս է եկել, հանել ավտոմատներն ու ատրճանակները և սկսել կրակել, ինչը վախեցրել է բնակիչներին։ Ահմեդովն ու նրա 9 ընկերները բերման են ենթարկվել, արձանագրություններ են կազմվել ոստիկանների պահանջներին չենթարկվելու հատկանիշներով, գործի նյութերը փոխանցվել են դատարան։

Ուժայինների հետաքրքրությունն է հարուցել 1700 անդամ ունեցող ադրբեջանական կազմակերպության գործունեությունը։