Ադրբեջանը կարող է մասնակցել կործանիչների արտադրության թուրքական նախագծին

Ադրբեջանը կարող է մասնակցել կործանիչների արտադրության թուրքական նախագծին. Ermenihaber-ի փոխանցմամբ՝ այդ մասին CNN-Turk-ին հայտնել է Թուրքիայի պաշտպանական արդյունաբերության գլխավոր վարչության պետ Իսմայիլ Դեմիրը:

«Ազգային մարտական ինքնաթիռների համատեղ արտադրության մեր դռները բաց են այն երկրների համար, որոնք ցանկանում են համագործակցել մեզ հետ։ Այդ հարցի շուրջ բանակցություններն ընթանում են այնպիսի երկրների հետ, ինչպիսիք են Ադրբեջանը, Պակիստանը։ Առաջարկում ենք միավորել բոլորիս ջանքերը», - ասել է Դեմիրը:

Նրա խոսքերով՝ Անկարան աջակցում է ավիացիայի և պաշտպանական արդյունաբերության ոլորտում թուրքական փորձի, գիտելիքների և հմտությունների օգտագործմանը։