Արցախում հաստատվել է կորոնավիրուսի 101 նոր դեպք

Փետրվարի 14-ի` ժամը 11:00-ի դրությամբ, Արցախում 258 թեստավորման արդյունքում հաստատվել է կորոնավիրուսի 101 դեպք։ Վարակակիրների թվում կան երեխաներ։ Մահվան դեպք չի արձանագրվել։

Ստացիոնար բուժում է ստանում 47 մարդ։

Այսպիսով, 2022 թվականին կատարվել է 5742 թեստավորում, հաստատվել է կորոնավիրուսային հիվանդության ընդհանուր 1746 դեպք: Ընդհանուր առմամբ, կորոնավիրուսի հետևանքով մահվան 21 դեպք է արձանագրվել:

Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու: