Արթուր Սարգսյանին կալանավորելու որոշումն ապօրինի է, հանցագործության մասին հաղորդում կտանք․ փաստաբան

Սիսիանի նախկին քաղաքապետ, ԱԺ «Հայաստան» խմբակցության պատգամավոր Արթուր Սարգսյանին նորից կկալանավորեն։ Լուրը MediaHub.am-ի հետ զրույցում հաստատեց Սարգսյանի փաստաբան Էմին Խաչատրյանը։

«Խայտառակություն է, հերթական քաղաքական հետապնդումը։ Մենք, այս ապօրինությունը տեսնելով, հանցագործության մասին հաղորդում ենք ներկայացնելու»,- ասաց Էմին Խաչատրյանը։

Արթուր Սարգսյանը գրավի դիմաց ազատ էր արձակվել, սակայն դատախազությունը վերաքննիչ բողոք էր ներկայացրել, ինչը վերաքննիչ դատարանի դատավոր Արմեն Դանիելյանը բավարարել է և Արթուր Սարգսյանին կրկին կալանավորելու որոշում կայացրել։

Մանրամասները՝ հեռախոսազրույցում։