Ավտովթար ոստիկանության զորքերի դիմաց

Դեկտեմբերի 28-ին խոշոր ավտովթար է տեղի ունեցել Երևանում: Այդ մասին տեղեկացնում է Shamshyan.com-ը։

Ժամը 02:00-ի սահմաններում BMW մակնիշի ավտոմեքենան Իսակովի պողոտայում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել Ոստիկանության զորքերի N զորամասի քարե պարսպին և առաջ ընթանալով՝ հայտնվել ճանապարհի մեջտեղում:

Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան:

Փաստի առթիվ պարեկային ծառայության Երևանի գնդում նյութեր են նախապատրաստվում և պարզվում է վարորդի ինքնությունը: