Բայդենը հայտնել է, որ առաջադրվում է երկրորդ ժամկետի համար, որպեսզի թույլ չտա Թրամփին հաղթել

ԱՄՆ նախագահ Ջո Բայդենը հայտնել է, որ պետության ղեկավարի թեկնածու Դոնալդ Թրամփի «հակադեմոկրատական» դիրքորոշումը այն գործոնն է, որը դրդել է իրեն առաջադրվել երկրորդ ժամկետի համար։ Այս մասին նա ասել է քաղաքական գործիչ Էլ Շարփթոնի «Keepin» ռադիոշոուի ժամանակ։

Պատասխանելով այն հարցին, թե ինչն է ստիպել առաջադրվել հերթական ժամկետի համար, Բայդենն ասել է, որ խոսքը Թրամփի հակադեմոկրատական դիրքորոշման մասին է։

«Այն, ինչ ասում է Թրամփը։ Թրամփը բաներ է ասում, որոնք պարզապես անհավանական են... Նա ամենահակադեմոկրատական... նախագահն է ամերիկյան պատմության մեջ։ Այն, ինչ նա ասում է... Նա խոսում է այն մասին, որ առաջադրվում է, որպեսզի վրեժ լուծի մարդկանցից»,- ասել է ԱՄՆ նախագահը։

Նա նաեւ իրադարձությունների այսպիսի զարգացումը  «վրդովեցուցիչ» է անվանել։