Չինաստանում տեղի ունեցած երկրաշարժից տուժածների թիվը հասել է 22-ի

Չինաստանի հարավ-արևմուտքում գտնվող Յունան նահանգում տեղի ունեցած երկրաշարժից տուժածների թիվը հասել է 22-ի, հայտնել է տարածաշրջանի սեյսմոլոգիական վարչությունը։

Երկու տուժածների վիճակը բժիշկները գնահատում են ծանր։ Նախնական տեղեկությունների համաձայն՝ սեյսմիկ ակտիվությունը չի հանգեցրել բնակելի շենքերի ավերածությունների և ենթակառուցվածքային կարևոր օբյեկտների լուրջ վնասների։

Հիշեցնենք, Չինաստանի սեյսմոլոգիական կենտրոնը կիրակի օրը 5,5 մագնիտուդով երկրաշարժ է գրանցել երկրի հարավարևմտյան Յունան նահանգում։