Կոլորադոյում անտառային հրդեհների պատճառով հազարավոր մարդիկ տարհանվել են (տեսանյութ)

ԱՄՆ Կոլորադո նահանգում մոլեգնող անտառային հրդեհների պատճառով տասնյակ հազարավոր մարդիկ են տարհանվել, հարյուրավոր տներ ոչնչացել են։ BBC-ի հաղորդմամբ՝ նահանգում արտակարգ դրություն է հայտարարվել։

Ուժգին քամիների պատճառով պոկվել են էլեկտրալարերը, ինչից էլ առաջացել են հրդեհները՝ ամենաավերիչը նահանգի ժամանակակից պատմության մեջ։ Քամու արագությունը հասնում է ժամում 170 կմ-ի։

Վերջին տարիներին Կոլորադոյում սաստիկ երաշտներ են լինում։ Կլիմայի փոփոխությունը մեծացնում է չոր, տաք եղանակի վտանգը, որն էլ անտառային հրդեհների պատճառ կարող է դառնալ։