Ֆրանսիայում կորոնավիրուսի 5-րդ ալիք է սկսվել

Ֆրանսիայի առողջապահության նախարար Օլիվիե Վերան պաշտոնապես հայտարարել է կորոնավիրուսի 5-րդ ալիքի մեկնարկի մասին։ Այդ մասին գրում է Le Figaro-ն։ Նրա խոսքով՝ Ֆրանսիայում համաճարակի վերսկսումն ակնհայտ հիշեցնում է 5-րդ ալիքի սկսվելու մասին։

Վերանը նաև նշել է, որ Առողջապահության նախարարությունը քննարկում է 12-ից ցածր տարիքի երեխաների համար պատվաստումներ սկսելու հարցը։

Վերջին 24 ժամում երկրում գրանցվել է կորոնավիրուսի 11 883 նոր դեպք, 33 մահ։