Խնդիր ենք տվել երկրապահներին, կամավորական ջոկատներին, որ պատրաստ լինեն․ «Aysor»

Այս պահին համար մեկի տակ սպասում ենք. ում պետք է՝ խնդիր ենք տվել, պատրաստ սպասում են։ Մենք գյուղերում երկրապահին խնդիր ենք տվել, որ պատրաստ սպասի, Aysor.am-ի թղթակցի հետ զրույցում ասել է Սյունիքի մարզպետ Մելիքսեթ Պողոսյանը։

Հարցին՝ այսինքն՝ այս պահին Սյունիքի մարզի գյուղերում կամավորական ջոկատնե՞ր են կազմվում, մարզպետը պատասխանել է՝ իհարկե։

«Սյունիքում այս պահին նորմալ է, մենք խնդիր ենք տվել երկրապահներին, կամավորական ջոկատներին, որ պատրաստ լինեն։ Մեր հատվածը նորմալ է, չեմ իմանում՝ ձախ թևում ինչ կա։ Գորիսի հատվածում նորմալ է։ Առաջինում նորմալ է, դա 2-րդ կորպուսի հատվածն է։ Հյուսիսային մասն է, լարվածությունն այդտեղ է», - ասել է Մելիքսեթ Պողոսյանը՝ հավելելով, որ կոնրկետ տեղանուններ և հատվածներ չի կարող նշել, ճշտումներ պետք է կատարել ՊՆ-ից։

Հաջորդ հարցին՝ ի՞նչ տեղեկություններ ունի Իշխանասարի հատվածից, Մելիքսեթ Պողոսյանը պատասխանել է՝ կապ չկա, չեն կարողանում որևէ բան ճշտել։