Երևանում հայտնաբերվել է ոստիկանության ծառայողի դին

Ըստ նախնական տեղեկությունների` տեղի ունեցածը ինքնասպանություն է:

ՀՀ ոստիկանության պետական պահպանության գլխավոր վարչության կողմից հսկվող վայրում այսօր հայտնաբերվել է ոստիկանության ծառայողի դի։ Տեղեկությունը հայտնում է shamshyan.com–ը։

Կայքից տեղեկանում ենք, որ դեպքի վերաբերյալ ահազանգը եղել է ժամը 14։00-ի սահմաններում։

Փաստի առթիվ Մալաթիայի քննչական բաժնում նյութեր են նախապատրաստվում: Տեղում ուժեղացված ծառայություն են կատարում ՀՀ ոստիկանության պարեկային ծառայության պարեկները։

Դեպքի վայրում հայտնաբերվել է նաև ատրճանակ։