Հաքերները կոտրել են Հնդկաստանի վարչապետի թվիթերյան օգտահաշիվը

Հաքերները կոտրել են Հնդկաստանի վարչապետ Նարենդրա Մոդիի թվիթերյան օգտահաշիվը: Այդ մասին սոցիալական ցանցում հայտնել է նրա գրասենյակը, հաղորդում է «Интерфакс»-ը:

«Թվիթերը տեղեկացվել է եւ օգտահաշիվն անհապաղ պաշտպանվել է»,- ասվում է հաղորդագրության մեջ:

Հաքերները հասցրել են հրապարակել հաղորդագրությունն այն մասին, որ երկրում թույլատրել են վճարումներ կատարել բիթքոյններով: Վարչապետի գրասենյակից նաեւ հայտնել են, որ թվիթերը կոտրված է եղել «կարճ ժամանակահատվածով»: «Թվիթները, որոնք հրապարակվել են կարճ ժամանակահատվածի ընթացքում, երբ օգտահաշիվը կոտրված էր, պետք է անտեսվեն»,-ասվում է հրապարակման մեջ: Դրանում նշվում է, որ հաղորդագրությունները հրապարակվել են հենց այդ ընթացքում:

Bloomberg-ը հաղորդում է, որ օգտահաշվում տեղադրվել է թվիթ, որ Հնդկաստանում թույլատրել են ընդունել բիթքոյնները՝ որպես օրինական վճարային միջոց: Հաքերները նաեւ գրել են, որ երկիրը ձեռք է բերել թվային արժույթն ու կտարածի այն քաղաքացիների շրջանում: