Հնգամյա տղան ընկել է 32 մետրանոց ջրհորը եւ այնտեղ մնացել երեք օր
- SMM Hub
- Nov 20, 2022
- 1 min read
Մարոկկոյի Շեֆշաուեն նահանգում հնգամյա տղան ընկել է 32 մետր խորությամբ նեղ ջրհորի մեջ, այնտեղ անցկացրել է երեք օր եւ ողջ մնացել, հաղորդում Է Al Jazeera հեռուստաընկերության կայքը։
Միջադեպը տեղի է ունեցել փետրվարի 2-ին, երբ Ռայան անունով տղայի հայրը վերանորոգել է ջրհորը, որի տրամագիծը կազմում է ընդամենը 45 սանտիմետր: Տեսնելով, որ երեխան ընկել է, տղամարդն անմիջապես օգնության ծառայություն է կանչել։
Փրկարար բրիգադի ղեկավար Աբդելհաի Թեմրանին բացատրել է, որ հողի առանձնահատկությունների պատճառով նրանք ստիպված են եղել թունել փորել ջրհորի խորությամբ: Բրիգադին հաջողվել է փրկարարական գործողության ժամանակ տղային ապահովել թթվածնային խողովակով եւ ջրով։
Պեղումները շարունակվում են երրորդ գիշերն անընդմեջ, փրկարարները փորել են 27 մետր խորությամբ: Նրանք ենթադրում են, որ շուտով նրանց կհաջողվի հասնել երեխային։
«Ես աղոթում եմ Աստծուն, որ նա կենդանի և անվնաս դուրս գա ջրհորից», - արցունքներով լրագրողներին խոստովանել է Ռայանի մայրը:
Comments