Ի՞նչ է տեղի ունեցել Աշտարակի քաղաքապետի և մարզպետարանի քաղաքաշինության վարչության պետի միջև
- SMM Hub
- Nov 20, 2022
- 1 min read
Երեկ հանդիպում եղել է Աշտարակի քաղաքապետ Թովմաս Շահվերդյանի և մարզպետարանի քաղաքաշինության վարչության պետ Հակոբ Ստեփանյանի միջև։ Այդ մասին այսօր MediaHub.am-ի հետ զրույցում ասաց Արագածոտնի մարզպետարանի հանրային կապերի պատասխանատու Նանե Ավանեսյանը։
Նա հերքեց քաշքշուկի, հայհոյանքների մասին լուրերը` նշելով․ «Մի շարք հարցերի շուրջ նրանց տեսակետները չեն համընկել և բանավեճ է ծավալվել, սակայն փոխադարձ հարվածների մասին լուրերը չեն համապատասխանում իրականությանը։ Մարզպետարանը և համայնքապետարանը շատ սերտ համագործակցում են միմյանց հետ, հաճախ հանդիպումներ են տեղի ունենում, այնպես որ հերթական հանդիպումն է տեղի ունեցել։ Առողջ բանավեճ է եղել, որի ժամանակ կարող է նաև ձայնի տոնայնությունը բարձր լինի»։
Հիշեցնենք, որ Shamshyan.com-ը գրել էր, որ Աշտարակի քաղաքապետ Թովմաս Շահվերդյանը այցելել է Արագածոտնի մարզպետարան, որտեղ վիճաբանություն է տեղի ունեցել նրա և մարզպետարանի քաղաքաշինության վարչության պետ Հակոբ Ստեփանյանի միջև:
«Բանը հասել է նրան, որ քաղաքապետի և վարչության պետի միջև քաշքշուկ է տեղի ունեցել ու փոխադարձ հարվածներ են հասցրել միմյանց»,- հայտնում է աղբյուրը։
Արմինե Նավոյան
Comentarios