Ճապոնիայում դանակով զինված տղամարդը հարձակվել է ոստիկանների վրա

Ճապոնիայում դանակով զինված տղամարդը Տոդա քաղաքում հարձակվել է ոստիկանության ծառայողների վրա, կա 4 տուժած. այդ մասին հայտնում է NHK հեռուստաալիքը։

Դեպքը տեղի է ունեցել գիշերը։ Վնասվածքներ ստացած իրավապահները հոսպիտալացվել են, նրանց կյանքին վտանգ չի սպառնում։

Նշվում է, որ հարձակվողը վնաս է հասցրել նաև իրեն, ներկայում գտնվում է հիվանդանոցում։ Տեղի ունեցածի հանգամանքները պարզվում են։