«Կանաչ անձնագիր» ունենալն այլևս պարտադիր չէ

Վրաստանում չեղարկվել է «կանաչ անձնագիր» ունենալու պարտավորությունը։ Համապատասխան որոշումն ընդունվել է այսօր՝ փետրվարի 1-ին կայացած միջգերատեսչական համակարգող խորհրդի նիստի ժամանակ։ Այդ մասին տեղեկացնում է Alig.ge-ն։

Միջգերատեսչական համակարգող խորհրդի օպերատիվ շտաբի պետ Գիորգի Ղիբրաձեի հաղորդմամբ՝ որոշումը պայմանավորված է նաև «օմիկրոնի» արագ տարածման և վիրուսի թույլ ընթացքի, ինչպես նաև համաշխարհային պրակտիկայով։

«Արտասահման մեկնելու դեպքում դեռևս պետք կգա «կանաչ անձնագիր»,- ասել Ղիբրաձեն։

Ըստ Ղիբրաձեի, սակայն, չնայած վարակակիրների աճող թվին, իրավիճակը լիովին կառավարելի է, հիվանդանոցային հատվածի վրա ճնշումն էապես չի ավելանում, հիվանդների մեծամասնությունը բուժվում են տնային պայմաններում, և նրանց առողջական վիճակը վերահսկվում է ընտանեկան բժիշկների կողմից։