Մադագասկարին հարվածել է ցիկլոն. կան տուժածներ

Մադագասկարում արևադարձային «Անա» ցիկլոնը երկարատև անձրևներ է առաջացրել: Ջրհեղեղների հետևանքով զոհվել է 34 մարդ, վիրավորվել՝ 64 հազարը. հայտնում է The Watchers-ը։

Անալամանգա շրջանում տուժել է ավելի քան 58 հազար մարդ:

Մայրաքաղաք Անտանանարիվույում հունվարի 17-19-ը տների ավերման հետևանքով զոհվել է առնվազն 10 մարդ, իսկ հանգստյան օրերին՝ ևս 24 մարդ:

Ավելի քան 6800 տուն ջրի տակ է, շատ շենքեր փլուզման վտանգի տակ են։ Տարհանվել է գրեթե 39 հազար մարդ։

Անալամանգայի շրջանի և այլ շրջանների դպրոցներում դասերը դադարեցված են մինչև հունվարի 28-ը: