Մահացել է «Չեբուրաշկայի» դերակատար Մայա Բուզինովան

93 տարեկան հասակում մահացել է ռեժիսոր, մուլտիպլիկատոր Մայա Բուզինովան: Այս մասին տեղեկացրել է «Սոյուզմուլտֆիլմ» կինոստուդիայի գլխավոր խմբագիր Սերգեյ Կապկովը, գրում է Говорит Москва-ն:

«Եվս երկու աստղ վառվեցին հավերժության երկնքում։ Երկու անփոխարինելի մարդիկ խորհրդային կինեմատոգրաֆիայի պատմության մեջ։ Մայա Նիկոլաևնա Բուզինովան, ով կյանք էր տվել Չեբուրաշկային։ Յուրի Նորշտեյնը հաճախ ասում է, որ այդ կերպարի ողջ բացառիկությունը, հուզիչ և անօգնական լինելն ու նրբությունը նրանից են` «Մայեչկայից»։

«Ձեռնոցը», «Ոսկե տղան», «Այբոլիտը ու Բարմալեյը», «Ամենափոքր թզուկը» և ևս տասնյակ մուլտֆիլմեր կյանքով լցվեցին Բուզինովայի անիմատորի տաղանդի շնորհիվ», - գրել է Կապկովը։

Ավելի վաղ հայտնի էր դարձել, որ կյանքից հեռացել է նաև դերասան Լեոնիդ Կուռավլյովը: Վերջինս 85 տարեկան էր: ՌՍՍՀ ժողովրդական արտիստը հայտնի է ոչ միայն մուլտֆիլմերում իր կերտած կերպարներով, այլ այնպիսի ֆիլմերով, ինչպիսիք են՝ «Իվան Վասիլևիչը փոխում է մասնագիտությունը», «Աֆոնյա», «Հանդիպման վայրը փոխել չի կարելի», «Ոսկե հորթը» և «Ամենահմայիչն ու գրավիչը»։