Ողբերգական դեպք Սուրբ Ծննդյան օրը. 3 հոգի մահացել են

Փենսիլվանիայի Քուաքերթաուն քաղաքում հայրը և նրա երկու դպրոցահասակ որդիները մահացել են Սուրբ Ծննդյան օրը, երբ նրանց տունը բռնկվել է, հավանաբար էլեկտրականության հետ կապված խնդիրների և չոր տոնածառի պատճառով, ըստ Փենսիլվանիայի Քուաքերթաունի հրշեջ մարշալ Դագ Վիլհելմի,- հաղորդում է CNN-ը:

Ոստիկանությունն ու հրշեջները տուն են ուղարկվել շաբաթ օրը ժամը 1:22-ին, որտեղ ընտանիքի բոլոր հինգ անդամները քնած են եղել տան երկրորդ հարկում, երբ հրդեհը բռնկվել է, ասել է Վիլհելմը: Հրշեջ ծառայության աշխատակիցն ասել է, որ առաջին արձագանքողները բազմաթիվ փորձեր են արել տուն մտնել, երբ նրանք ժամանել են, բայց դժվարացել են ներս մտնել՝ հրդեհի ուժգնության պատճառով:

«Շենքի ճակատային մասում կրակով ներս մտնելը չափազանց վտանգավոր էր», – ասել է Վիլհելմը CNN-ին: «Դրսի դուռը և առջևի պատուհանը արգելափակված էին, կրակն այդ պահին տարածվում էր ամբողջ տան վրա: Հրշեջների համար շատ դժվար էր անվտանգ մուտք գործելը: Որոշ ժամանակ պահանջվեց»:

Երբ հրշեջները վերջապես մտել են տուն, նրանք հայտնաբերել են 41-ամյա Էրիկ Քինգի և նրա երկու որդիների մարմինները երկուսուկես հարկանի տան երկրորդ հարկում: Մայրը և ընտանիքի ավագ որդին փախել են տանից թեթև այրվածքներով:

Հրդեհից սատկել են նաև ընտանիքի երկու շները։