36 համայնքում մեկնարկեց ՏԻՄ ընտրությունները

Այսօր՝ դեկտեմբերի 5-ին, Արագածոտնի, Արարատի, Արմավիրի, Լոռու, Գեղարքունիքի, Կոտայքի, Շիրակի, Վայոց ձորի և Տավուշի մարզերի 36 համայնքում տեղի է ունենում համայնքների ավագանիների համամասնական կարգով հերթական ընտրությունները։

Մասնավորապես ժամը 08:00-ից բացվել են Արագածոտնի մարզի Թալին, Ապարան, Աշտարակ, Արարատի մարզի Մասիս, Արտաշատ, Արարատ, Վեդի, Արմավիրի մարզի Արաքս, Վաղարշապատ, Փարաքար, Խոյ, Արմավիր, Բաղրամյան, Մեծամոր, Գեղարքունիքի մարզի Սևան, Գավառ, Մարտունի, Վարդենիս, Լոռու մարզի Սպիտակ, Վանաձոր, Թումանյան, Փամբակ, Կոտայքի մարզի Ծաղկաձոր, Հրազդան, Նաիրի, Նոր Հաճըն, Գառնի, Աբովյան, Շիրակի մարզի Ամասիա, Աշոցք, Ախուրյան, Արթիկ, Վայոց ձորի մարզի Ջերմուկ, Եղեգնաձոր, Վայք և Տավուշի մարզերի Նոյեմբերյան համայնքներում ընտրատեղամասերը։

Քաղաքացիներն իրենց ընտրական իրավունքը կարող են իրացնել մինչև 20:00։