Մեքսիկայում ավտոբուսը մխրճվել է տան մեջ․ կա մոտ 20 զոհ (տեսանյութ)

Մեխիկո նահանգի Հոկիսինգո շրջանում զբոսաշրջային ավտոբուսը մխրճվել է ճամփեզրին գտնվող տան մեջ։ Զոհվել է առնվազն 19 մարդ, տուժել՝ ավելի քան 30-ը։ Ողբերգական դեպքը տեղի է ունեցել ավտոբուսի արգելակման համակարգի խափանման պատճառով։ Դեպքի վայրում աշխատել է շտապօգնության 10 բրիգադ։ Ծանր վիրավորների հոսպիտալացումը կազմակերպվել է 2 ուղղաթիռով։