Դեմարկացիա, հումանիտար խնդիրներ, ճանապարհների ապաշրջափակում․ Պուտինը նշեց հանդիպման կարևոր կետերը

Եռակողմ քննարկումը շատ կառուցողական էր, այն իրավիճակի խորն ուսումնասիրություն էր։ Այդ մասին այսօր՝ նոյեմբերի 26-ին, Սոչիում կայացած Հայաստան-Ռուսաստան-Ադրբեջան եռակողմ հանդիպումից հետո հայտարարեց ՌԴ նախագահ Վլադիմիր Պուտինը։

Նրա խոսքով՝ այսօր կարևորագույն հարցեր են քննարկվել, որոնցից առաջինը մինչև այս տարեվերջ դեմարկացիայի և դելիմիտացիայի գործընթացի մեխանիզմներ մշակելն է։

Բացի այդ, ըստ Պուտինի, շատ զգայուն հումանիտար հարցեր կան, որոնք ևս պետք է լուծվեն։

«Բացի այդ, տնտեսական հարցերի վերաբերյալ ենք խոսել, մասնավորապես, առանձնացնելով տրանսպորտային ուղիների ապաշրջափակման հարցը»,- նշեց ՌԴ նախագահը։

Նշենք, որ այսօրվա եռակողմ հանդիպումը տևել է երեք ժամից ավելի։