Փորձում են ճնշել ու խաղից հանել թեկնածուին․ «Հրապարակ»

«Հրապարակ» օրաթերթը գրում է. «ՏԻՄ ընտրություններում Փարաքար համայնքում «Դավիթ Մինասյան» դաշինքի ցուցակը գլխավորող, համայնքի ներկայիս ղեկավար Դավիթ Մինասյանին երեկ առավոտյան տարել էին 6-րդ վարչություն: «Քաղաքացիական պայմանագիր» կուսակցության համամասնական ցուցակը գլխավորում է Լյուդվիգ Գյուլնազարյանը, որը սոցապնախարար Նարեկ Մկրտչյանի քավորն է։

Իշխանություններն ամեն ինչ արել են, որ Դավիթ Մինասյանը չառաջադրվի։ Չի ստացվել: Հիմա այս մեթոդներով փորձում են ճնշել ու խաղից հանել թեկնածուին:

Երեկոյան թերթը կապ է հաստատել համայնքի պաշտոնակատար, նաեւ թեկնածու Մինասյանի հետ, ով տեղեկացրեց, որ ընդամենը կես ժամ են իրեն պահել վարչությունում, իսկ թե ինչ գործով, եւ ինչ է իրավապահներին հետաքրքրել, ասաց, որ կխոսի ավելի ուշ։ Մեր հարցին՝ հնարավո՞ր է մրցապայքարից դուրս գա, ասաց. «Իհարկե՝ ոչ»»։ Մանրամասները՝ թերթի այսօրվա համարում։