Սաակաշվիլին մասնակցում է իր գործով դատական նիստին․ դատարանի առջև իրավիճակը լարված է

Նոյեմբերի 29-ին Թբիլիսիի քաղաքային դատարանում նշանակված է Վրաստանի երրորդ նախագահ Միխեիլ Սաակաշվիլիի նոյեմբերի 7-ի գործով հերթական դատական նիստը։ Այն ընթանում է ժամը 11:00-ից: Վրաստանի Քրեակատարողական ծառայության հայտարարությամբ, Սաակաշվիլին ևս մասնակցում է նիստին. հայտնում է aliq.ge-ն։

Իրավիճակը քաղաքային դատարանի մոտ լարված է: Առավոտից տեղում մոբիլիզացված են ՆԳՆ ներկայացուցիչներ, հատուկջոկատայիններ: Սաակաշվիլիի աջակիցները հավաքվել են բողոքի ցույցի: Տեղում հավաքվածները դիմադրել են իրավապահ մարմիններին, ինչի հետևանքով նրանց դեմ «պղպեղի ցողաշիթ» է կիրառվել: Կան վիրավորներ, նաև բերման ենթարկվածներ, չնայած՝ այս պահի դրությամբ նրանց թվի մասին կոնկրետ տեղեկություն չկա: