Սերժ Սարգսյանը երբեք չի հերքել Բադեն-Բադեն գնալու մասին. սա ծամոն է դարձել. Ամրամ Մակինյան
ՀՀ երրորդ նախագահ Սերժ Սարգսյանը երբեք չի հերքել Բադեն-Բադեն գնալու մասին, լրագրողների հետ զրույցում ասաց Սարգսյանի պաշտպան Ամրամ Մակինյանը: «Ի՞նչ է նշանակում Բադեն-Բադեն, սա ծամոն է դարձել, Բադեն-Բադեն քաղաքում միայն կազինոնե՞ր են, որևէ մեկը Բադեն-Բադենի մասին կարո՞ղ է ինձ ասել, թե ինչ քաղաք է, ինչ ուղղվածության քաղաք է: Բադեն-Բադենը առողջարանային քաղաք է», - ասաց Մակինյանը:
Նա պնդեց` Սերժ Սարգսյանն իր արձակուրդն է անցկացրել Բադեն-Բադենում: Ինչ վերաբերում է Սերժ Սսրգսյանի նոր մեղադրանքին ու նրա դեմ նոր արշավին` Մակինյանն ասաց, թե այդ արշավն իր նպատակին չի կարող հասնել:
«Հասարակությանը շեղելու համար է արվում ամեն ինչ, անհասկանալի, անտրամաբանական, անհեթեթ գործընթաց է», - ասաց Սերժ Սարգսյանի փաստաբանը:
Comments