Սուրբծննդյան շրջանում ամբողջ աշխարհում չեղարկվել է ավելի քան 4000 չվերթ
- SMM Hub
- Nov 20, 2022
- 1 min read
ԱՄՆ ավիաուղիները շարունակում են տուժել չվերթերի չեղարկումից կորոնավիրուսի օմիկրոն շտամի տարածման պատճառով, փոխանցում է BBC-ը։
Flightaware-ի ռեսուրսի տվյալներով՝ ուրբաթ եւ շաբաթ օրերին ամբողջ աշխարհում չեղարկված ավելի քան 4000 թռիչքների մեկ քառորդ մասը բաժին է հասնում ԱՄՆ-ին։
Այս խնդիրն առաջացել է անձնակազմի հարկադիր ինքնամեկուսացման ֆոնին, որոնց անդամների թեստը դրական է եղել։
ԱՄՆ-ում, ինչպես աշխարհի մյուս երկրներում, նկատվում է կորոնավիրուսով վարակման դեպքերի կտրուկ աճ։
Չնայած ավելի վաղ արված եզրակացություններին այն մասին, որ օմիկրոնն «ավելի մեղմ» է ընթանում, քան մյուս տարբերակները, գիտնականներին մտահոգում է վարակումների մեծ թիվը։
Իտալիան, Իսպանիան եւ Հունաստանը պարտադրում են դիմակների կրումը բաց տարածքներում։
Կատալոնիան գիշերը պարետային ժամ է սահմանել, իսկ Նիդեռլանդներում շաբաթվա սկզբին խիստ սահմանափակումներ են մտցվել տեղաշարժի համար։ Գերմանիան հայտարարել է, որ դեկտեմբերի 28-ից կսահմանափակի մասնավոր հավաքույթների թիվը 10 հոգով եւ կփակի գիշերային ակումբները: Ֆուտբոլային հանդիպումները կանցկացվեն փակ դռների հետեւում։
Պորտուգալիան կարգադրել է փակել բարերն ու գիշերային ակումբները դեկտեմբերի 26-ից եւ հեռավար դարձնել աշխատանքը մինչեւ հունվարի 9-ը։
Comments