Թալիբները սպանել են նախկին ռեժիմի ավելի քան 100 կողմնակցի
- SMM Hub
- Nov 20, 2022
- 1 min read
«Թալիբանն» ու շարժման հետ կապ ունեցող անձինք, երկրից օտարերկրյա ուժերի դուրսբերումից հետո, սպանել են մի քանի տասնյակ նախկին պաշտոնյաների, անվտանգության ուժերի աշխատակիցների և մարդկանց, ովքեր աշխատել են միջազգային զորակազմի հետ. այդ մասին ասվում է ՄԱԿ-ի գլխավոր քարտուղար Անտոնիու Գուտերեշի՝ անվտանգության խորհրդին ուղղված զեկույցում։
Փաստաթղթում այդ սպանությունների հստակ ապացույցներ ներկայացված չեն։
Նշվում է, որ չնայած նախկին պաշտոնյաների շրջանում համընդհանուր համաներում հայտարարելուն՝ Աֆղանստանի աջակցության ՄԱԿ-ի առաքելությունը շարունակել է ստանալ արժանահավատ տեղեկություններ սպանությունների, առևանգումների և այլ դեպքերի մասին։
Փաստաթղթում նշվում է, որ օգոստոսի 15-ից ստացվել է ավելի քան 100 նման սպանության մասին տեղեկություն։ Այս սպանությունների ավելի քան 2/3-ը եղել է արտադատական մահապատիժ։ Արժանահավատ տեղեկություններ են ստացվել նաև առնվազն 50 մարդու արտադատական մահապատժի մասին, ովքեր կասկածվել են «Իսլամական պետության» հետ կապերի մեջ։
Comments