Ուգանդայում ահաբեկչություններ են տեղի ունեցել․ կան զոհեր, վիրավորներ

Ուգանդայի մայրաքաղաք Կամպալայում նոյեմբերի 16-ին տեղի ունեցած ահաբեկչական հարձակումների հետևանքով զոհվել է առնվազն 3, վիրավորվել՝ ավելի քան 30 մարդ. այդ մասին հայտնում է Bangkok Post-ը։

Հաղորդվում է, որ երկու մահապարտ ահաբեկիչներ մոտոցիկլետներով պայթեցրել են իրենց խորհրդարանի շենքի մուտքի մոտ։ Անցորդներից մեկը մահացել է, այրվել են մոտակայքում կայանված մեքենաները։

Երրորդ չարագործը հարձակում է իրականացրել կենտրոնական ոստիկանական բաժանմունքի մոտ գտնվող հսկիչ անցակետի վրա՝ խլելով 2 մարդու կյանք։

Ոստիկանությունը կանխել է երրորդ հարձակումը՝ ենթադրյալ մահապարտի տանը հայտնաբերելով ինքնաշեն պայթուցիկ սարք։

Ուգանդայի Կարմիր Խաչից հայտնում են, որ 33 վիրավորներից 21-ը ոստիկանության աշխատակիցներ են։