Ողբերգական ավտովթար Արմավիրում. մեքենան կողաշրջվել է. կա 1 զոհ, 1 վիրավոր

Նոյեմբերի 15-ին ողբերգական ավտովթար է տեղի ունեցել Արմավիրի մարզում: Այդ մասին տղեկացնում է Shamshyan.com-ը։

Ժամը 12:30-ի սահմաններում Opel Zafira մակնիշի ավտոմեքենան Խանջյան գյուղի սկզբնամասում դուրս է եկել ճանապարհի երթևեկելի գոտուց, մի քանի պտույտ շրջվելով, կողաշրջված վիճակում հայտնվել երթևեկելի գոտուց դուրս:

1 մարդ տեղում մահացել է, մեկն էլ ծայրահեղ ծանր ախտորոշմամբ տեղափոխվել է «Արմավիր» բժշկական կենտրոն:

Դեպքի վայրում հավաքվածներն ասել են, որ վիրավորն ու մահացածը ազգականներ են:Նրանցից մեկն էլ անչափահաս է: