Վրաստանում Թուրքիայի քաղաքացի է ձերբակալվել
- SMM Hub
- Nov 20, 2022
- 1 min read
Վրաստանի Քութայիս քաղաքում Թուրքիայի 25-ամյա քաղաքացի է ձերբակալվել թմրանյութերի խոշոր խմբաքանակ իրացնելու մեղադրանքով: Այդ մասին ասվում է ՆԳ նախարարության կայքում զետեղված հաղորդագրության մեջ:
Գերատեսչության տեղեկատվության համաձայն, ձերբակալելուց առաջ դատավորի որոշման հիման վրա իրականացվել է մեղադրյալից թմրանյութերի ստուգիչ գնում, ինչպես նաև գնման գործընթացի գաղտնի աուդիո և տեսանկարահանում:
Արդյունքում պարզվել է, որ ձերբակալվածը տարբեր ժամանակներում վաճառել է MDMA և հերոին թմրանյութերի խոշոր խմբաքանակ: Բաթումում ձերբակալվածի անձնական բնակարանի և ժամանակավոր կացարանի խուզարկության ընթացքում ոստիկանությունն առգրավել է մետամֆիտամինի երեք փաթեթ, որոնք նախատեսված են եղել վաճառքի համար:
Հանցագործությունը պատժվում է ութից մինչեւ 20 տարի ժամկետով ազատազրկմամբ կամ ցմահ բանտարկությամբ:
Comments