Խաղաղապահները ականազերծել են Մարտակերտի հողատարածքը

Ռուս խաղաղապահները ականազերծման աշխատանքներ են սկսել Լեռնային Ղարաբաղի Մարտակերտի շրջանի 400 հա գյուղատնտեսական հողատարածքում: Այդ մասին հայտնում է ՌԴ Պաշտպանության նախարարությունը։

Սակրավորները 1 օրում արդեն մաքրել են 1,5 հեկտար տարածք, հայտնաբերվել է 2 պայթուցիկ առարկա, ասել է կոնտինգենտի ներկայացուցիչ Պյոտր Պարշիկովը։ Զինծառայողները Մարտակերտի շրջանի սահմանազատման գծի մոտ ամեն օր որոնում են չպայթած զինամթերք, արկեր, կրակոցներ և ականներ։

Ընդհանուր առմամբ 2020 թվականի նոյեմբերի 23-ից խաղաղապահների ինժեներական և սակրավորական խմբերը Արցախում մաքրել են ավելի քան 2,3 հազար հեկտար տարածք, 683 կմ ճանապարհ, մոտ 2 հազար շենք և վնասազերծել 26 078 պայթուցիկ օբյեկտ։